اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي       ||     ئەی خودایە من بەندەی تۆم و کوڕی بەندەی تۆم و کوڕی کۆیلەی تۆم، ناوچاوانم بەدەستی تۆیە، فرمان و بڕیارت بەسەرمدا جێ بە جێیە، بڕیاردانت بەسەرمدا دادپەروەرانەیە. داوات لێدەکەم بەهەموو ناوەکان کە هی تۆیە، خۆتت پێی ناوناوە، یان لە کتێبەکەتدا دادبەزاندووە یان یەکێک لە دروست کراوەکانی خۆتت فێر کردووە یان لە عیلمی غەیبدا لای خۆت هێشتوەتەوە، قورئانی پیرۆز بکەرە بەهاری دڵەکەم و روناکی سینەم و نەهێشتنی خەم و پەژارەم    
زانستی تەجوید ، دەریای تەجوید

ألموجز في قواعد اللغة العربية
 zanstitajweed.com

مێژووی هونەری نووسینی قورئانی پیرۆز

تەجویدی قورئان
zanstitajweed.com

تەجویدی قورئان, دەریای تەجوید zanstitajweed.com

شورەی موسڵمان بە زیکرو دوعاکان zanstitajweed.com


 ڕاستەوخۆ قورئانی پیرۆز بخوێنەو گوێبیستی دەنگەکان بە.

 ڕوونکردنەوەی مەتنی "تحفة الأطفال".


 قراءة منظومة تحفة الأطفال في تجويد كلمات القرآن .. سعد الغامدي


 چەند وانەیەکی دەنگی


 تفسير القرآن الكريم


muslimguide.se ... zanstitajweed.com moslim.se ... zanstitajweed.com http://peghambar.muslimguide.se

سیفەت و ئاوەڵی پیتە عەرەبی یەکان ( صفات الحروف العربية ) /٢

( ب ) ــ سیفەت و ئاوەڵە بێ دژەکان ( صفات لا ضد لها )
ئەو سیفەتانەی کە دژ ( ضد ) یان نی یە ئەمانەن:
[١] فیکە ( ألصفير )
[٢] هەڵبەزین و ڕاتەکان ( ألقلقلة )
[٣] نەرم و نیانی ( أللين )
[٤] لادان ( ألإنحراف )
[٥] دووبارە کردنەوە ( ألتكرير )
[٦] بڵاو بوونەوە ( ألتفشِّي )
[٧] بەرەو درێژبوون ( ألإستطالة )
[٨] مینگە ( ألغُنَّة )

[١] فیکە ( ألصفير )
لەزمانەوانیدا: فیکە، دەنگێکە لەدەنگی باڵندە دەچێت، دەنگی تیژ.
لەزاراوە: دەنگێکە بریتی یە لەخڕکردنەوەی دەنگ لەنێوان ددانەکانی پێشوو و سەری زمان دەنگێکی وەك فیکە لێدانی لێ دەردەچێت، پیتەکانی: ( ٣ ) سێ پیتن ( ز، س، ص )، بەڵام ئەم دەنگە لەکاتی زەنەداری پیتەکە بەهێزترە.

[٢] هەڵبەزین و ڕاتەکان ( ألقلقلة )
لەزمانەوانیدا: دەنگدانەوە، زرنگانەوە، لەرینەوە
لەزاراوە: دەنگێکی بەهێز دەردەچێ و دەلەرێتەوە لەکاتی زەنەدار ( سکون ) ی پیتەکان. ژمارەی پیتەکانی ( ٥ ) پێنج پیتن و لەم دوو وشەدا کۆکراونەتەوە کە بریتین لە ( قُطْبُ جَدٍّ )...
قەلقەلە دابەش دەکرێت بۆ ( ٢ ) دوو بەش:
أــ قەلقەلەی گەورە ( ألقلقلة ألكبرى ): ئەگەر پیتەکە زەنەدار ( ساکن ) و لە کۆتایی وشە دابێت و لە حاڵەتی وەستان ( وقف ) دابێت، پێ ی دەگوترێ ( قلقەلە ) ی گەورە، ئەگەر هاتوو پیتەکە ( شَدّة ) داریش بێت ئەوا قەلقەلەی پیتەکە بەهێزتر دەبێت.
بۆ نموونە:


ب ــ قەلقەلەی گچکە ( ألقَلقَلة ألصغرى ): ئەگەر پیتەکە زەنەدار ( ساکن ) بێت و لەناوەڕاستی وشە دابێت، پێ ی دەگوترێ ( قلقلە )ی گچکە.
بۆ نموونە:

 ئەو سورەتەی خوارەوەش نموونەی هەردوو ( قەلقەلە )ی گەورە و گچکە تێدایە:


[٣] نەرم و نیانی ( أللين )
لەزمانەوانیدا: نەرم و سووک
لەزاراوە: دەرچوونی پیتەکە لە مەخرەجەکەیەوە بە ئاسانی و بە نەرمی، پیتەکانی: دوو پیتن واو ( و ) و یاء ( ی ) کە زەنەدار ( ساکن ) بن و پێشەوەیان سەر ( فتحة ) بێت وەک:

قريش/٤، ألبقرة/٢٥٥، قريش/٣، قريش/١

[٤] لادان ( ألإنحراف )
لەزمانەوانیدا: لادان
لەزاراوە: لادان و خواربوونەوەی دەنگی پیت لەبەر نەڕۆیشتنی بەهۆی ڕێگری زمان. ئەم سیفەتەش تەنها لە( ٢ ) دوو پیت هەیە ( ل، ر ). دەنگی پیتی لام ( ل ) لەکاتی دەربڕینیدا لادەدا بۆ هەردوو تەنیشتی پێشەوەی زمان لەبەرئەوەی پێشەوەی زمان ڕێگەی لەدەنگەکە کرتووە، بەڵام پیتی راء ( ر ) بەپێجەوانەوە دەنگ لە هەردوولای تەنیشتی پێشەوەی زمان لادەدا بۆ ناوەندی زمان.

[٥] دووبارە کردنەوە ( ألتكرير )
لەزمانەوانیدا: دووبارە بوونەوە
لەزاراوە: بریتیە لە لەرزینی لاتە زمان بە پیتی ( راء ) لەرزینێکی شاراوە لە ئەنجامی تەنگبەری شوێنی دەرچوونی.
ئەم سیفەتەش تایبەتە بە پیتی راء ( ر ) چونکە پێشەوەی زمان لەکاتی دەربڕینی ئەم پیتە لە پووکی ناوەوەی ددانەکانی سەرەوە دەدات و دووبارە دەبیتەوە، ( مەبەستیش لەباسکردنی ئەم سیفەتە خۆ پاراستن و دوور کەوتنەوەیە لێی نەك جێبەجێکردنی ) بەتایبەت ئەگەر پیتی راء ( شدّة ) دار بوو وەكو:

﴿الرَّحْمنِ الرَّحِيمِ ( ٣ )﴾ ألفاتِحَة
سەرنج بدە کە چۆن پیتی راء ( ر ) دووبارە نابێتەوە لەکاتی دەرچوونیدا:

[٦] بڵاو بوونەوە ( ألتفشِّي )
لەزمانەوانیدا: بڵاوبوونەوە
لەزاراوە: بڵاوبوونەوەی دەنگی سین لە شوێنی دەرچوونی هەتا بەر تەختەی ناوەوەی ددانەکانی سەروو دەکەوێت.
وە ئەو سیفەتە تایبەتە بە پیتی شین ( ش ) .

[٧] بەرەو درێژبوون ( ألإستطالة )
لەزمانەوانیدا:ڕووەو درێژی
لەزاراوە: بریتیە لە پاڵنانی زمان لە کۆتایی دەم تا پێشەوەی، هەتا زمان بە ڕەگ و ڕیشاڵی دوو ددانی سەرەوە دەکەوێ، ئەوەش لەژێر کارتێکردنی ئەو هەوایە فشاری بۆ هاتووە لەدواوەی زمانەوە.
ئەمەش تایبەتە بە پیتی ضاد ( ض )، ئەم پیتە درێژدەکرێتەوە هەتا دەگاتە شوێنی دەرچوونی پیتی لام ( ل ). بۆ نموونە:


[٨] مینگە ( ألغُنَّة )
لە زمانەوانیدا: مینگە
لەزاراوە: بریتیە لە دەنگێکی مینگەدار لەبۆشایی ناو لووت دەردەچێ و بەشێکە لە پێکهاتەی پیتی ( ن، م ) کە ئەم دوو پیتە بەبێ مینگە دەرناجێ. بۆ نموونە:



 بۆزانیاری زیاتر دەربارەی شێوەی دەنگی ( مینگە )، دەتوانی لووتت بگری لەکاتی دەربڕینی پیتەکانی مینگە، ئەو کاتە دەنگی مینگەکە نامێنێ.
نمونەی زیاتر لەسەر سیفەتی پیتەکان ( صفات الحروف ): تکایە کلیکم لەسەر بکە

بۆ سەرەوە

بەشی پێنجەم
بەشی هەشتەم ــــ بابەتی جۆراوجۆر


بابەتی نوێ


Copyright 2011-2013,  Z A N S T I T A J W E E D . C O M