خوشکان و برایانی بەڕێز

به‌خێرهاتنتان ده‌كه‌م بۆ ماڵپەڕی زانستی تەجوید
پێش هەموو شتێک ده‌ڵێم: السلام علیكم ورحمه‌ الله و بركاته.

ئەم ماڵپەڕە ماڵپەڕێکی تاکە کەسی‌یە و بە فەزلی خودای گەورە هەوڵی ئەوەم داوە بەجوانترین شێوە و بەئاسانی یاساکانی جوان خویندنەوەی قورئان لە گێڕانەوەی (حفص) لە (عاصم) ی کوڕی (أبي النّجود)ەوە لە ڕێگەی ئیمامی (شاطبي) بخەمە بەردەستی بەریزتان و، نموونەی زۆری دەنگی ‌و وێنە و (ڤیدیۆ)م هێناوەتەوە بۆ ئاسانکاری، هەروەها هەندێک هەڵە لە ماڵپەڕە کۆنەکەدا هەبوو لەم ماڵپەڕە نوێیەدا بەفەزڵی خودا چاککراون.

خوشکان و برایان هەرچەندە ئەم ماڵپەڕە بۆ یەکەم جارە بوونی هەیە لەسەر تۆڕی ئینتەرنێت و باس لەهەموو یاساکان و ڕێساکانی تەجوید دەکات و ئاسانکاری یە بۆ قوتابیانی قورئانی پیرۆز بەڵام دەبێ وەرگرتنی خوێندن لەسەر زمانی مامۆستایەکی پسپۆڕ و ڕاستکردنەوەی هەڵەکان بەکرداری بێت و ببیسترێ و ببینرێ، و ئیمەش لە کوردستان دا مامۆستای پسپۆرو لێزانی زۆرمان هەیە لەم بوارەدا خودای گەورە بیانپارێزێ و نموونەیان زیاد بکات.

بەرێزان من لەڕاستیدا هەستاوم بە کۆکردنەوەی بابەتەکە و ڕەنجی زۆرم داوە بۆ ئەوەی بەڕێك و پێکی بیخەمە بەردەستی ئێوەی خۆشەویست، و هیچ شتێکم لە خۆمەوە نەنووسیوە، ئەگەر پێکابێتم ئەوا فەزڵ و بەخششی پەروەردگارە، ئەگەر نەشم پێکابێت ئەوە هەڵەیەو لە منەوەیە.

داواکارم لە خودای مەزن بە لوتف وکەرەم و سۆزی خۆی یارمەتیمان بدات بۆ زیاتر خزمەت کردنی بەرنامەکەی، خودای گەورە ئەم کارە و هەموو کارەکانی دیکەمان لێ قەبوڵ بکات و هەرکەسیش سەردانی ئەم ماڵپەڕە بکات سوودی لێوەرگرێت . . . . آمين.

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ .

زانستی تەجوید
13/6/2013
لە بەرواری (8/6/2022) نوێکراوەتەوە