شێوازەکانی خوێندنی (ألبَسمَلة) لەنێوان سورەتەکاندا جگە لەنێوان سورەتی (ألأنفال) و (ألتوبة)

بۆ خوێندنەوەی (بسملة) چار شێواز هەیە کاتێک لەنێوان دوو سورەتدایە، سێ شیوازی دروستە، یەک شێوازی دروست نیە:

یەکەم/ شێوازە دروستەکان
١ــ جوداکردنەوەی هەرسێکیان (کۆتای سورەتەکە، بسملة و سەرەتای سورەت) لەیەکدی، واتە: کە سورەتەکە تەواو بوو ـــ وەستان ـــ (ألبَسمَلة) ـــ وەستان ـــ دەستپێکردن بەسورەتی دووەم، بۆ نموونە خوێندنی سورەتی (أللَّيل) و کە تەواوبوو دەستپێکردن بە خوێندنی سورەتی (الضُّحَى) بەم شێوەیە دەبێت:
﴿وَلَسَوۡفَ يَرۡضَىٰ﴾ ـــ وەستان ـــ ﴿بِسۡمِ ٱللَّهِ ٱلرَّحۡمَٰنِ ٱلرَّحِيمِ﴾ ـــ وەستان ـــ ﴿وَٱلضُّحَىٰ﴾

٢ــ جوداکردنەوەی یەکەم و لکاندنی دووەم بە سێیەمەوە، واتە: کە سورەتەکە تەواو بوو ـــ وەستان ـــ ( ألبَسمَلة )و ڕاستەوخۆ دەستپێکردن بە سورەتی دووەم بەم شێوەیە دەبێت:
﴿وَلَسَوۡفَ يَرۡضَىٰ﴾ ـــ وەستان ـــ ﴿بِسۡمِ ٱللَّهِ ٱلرَّحۡمَٰنِ ٱلرَّحِيمِ﴾ ﴿وَٱلضُّحَىٰ﴾

٣ــ گەیاندنی هەرسێکیان بەیەکدی، واتە کە سورەتەکە تەواوبوو وەستان نیە و ڕاستەوخۆ دەستپێکردن بە (ألبَسمَلة) و ڕاستەوخۆ دەستپێکردن بە سورەتی دووەم بەم شێوەیە دەبێت:
﴿وَلَسَوۡفَ يَرۡضَىٰ﴾ ﴿بِسۡمِ ٱللَّهِ ٱلرَّحۡمَٰنِ ٱلرَّحِيمِ﴾ ﴿وَٱلضُّحَىٰ﴾

دووەم/ شێوەی قەدەغەلێکراو (نا دروست)

٤ــ ئەم حاڵەتە دروست نیەو نابێت بەم شێوەیە بخوێندرێت، واتە: سورەتەکە تەواو ببێت و بەبێ وەستان بگەیەندرێت بە (ألبَسمَلة) پاشان وەستان‌ دوایی دەستپێکردن بە سورەتی دووەم، ئەوەش جائز نیە چونکە شوێنی (ألبَسمَلة) سەرەتای سورەتە نەک کۆتایی، بۆیە نابیت بەم شێوەیە بخوێندرێت:
﴿وَلَسَوۡفَ يَرۡضَىٰ﴾ ﴿بِسۡمِ ٱللَّهِ ٱلرَّحۡمَٰنِ ٱلرَّحِيمِ﴾ ـــ وەستان ـــ ﴿وَٱلضُّحَىٰ﴾

چۆنیەتی گەیاندنی سورەتی (ألإنفال) بە سورەتی (ألتَوبة)

١ــ جوداکردنەوەی هەردووکیان لەیەکدی (الوقف)^[1] واتە: وەستان لە کۆتایی سورەتی (ألإنفال) و هەناسەدان و دەستپێکردن بە سورەتی (ألتَوبة) بەم شێوەیە بخوێندرێت:
﴿إِنَّ ٱللَّهَ بِكُلِّ شَيۡءٍ عَلِيمُۢ﴾ ـــ وەستان ـــ ﴿بَرَآءَةٞ مِّنَ ٱللَّهِ وَرَسُولِهِۦٓ إِلَى ٱلَّذِينَ عَٰهَدتُّم مِّنَ ٱلۡمُشۡرِكِينَ﴾

٢ــ وەستانەکی کەم وبەبێ هەناسەدان (ألسکت)^[2] لە نێوان کۆتایی سورەتی (ألإنفال) و سەرەتای سورەتی (ألتَوبة) بەم شێوەیە بخوێندرێت:
﴿إِنَّ ٱللَّهَ بِكُلِّ شَيۡءٍ عَلِيمُۢ﴾ ـ ـ ـ ﴿بَرَآءَةٞ مِّنَ ٱللَّهِ وَرَسُولِهِۦٓ﴾

٣ــ لکاندنی کۆتایی سورەتی (ألإنفال) بە سورەتی (ألتَوبة) بەبێ وەستان بەم شێوەیە بخوێندرێت:
﴿إِنَّ ٱللَّهَ بِكُلِّ شَيۡءٍ عَلِيمُۢ﴾ ﴿بَرَآءَةٞ مِّنَ ٱللَّهِ وَرَسُولِهِۦٓ﴾

تێبینی: سەرەتای سورەتی (ألتَوبة) وەکو سورەتەکانی دیکەی قورئان ﴿بِسۡمِ ٱللَّهِ ٱلرَّحۡمَٰنِ ٱلرَّحِيمِ﴾ ی تێدا نیە، چونکە تووڕەیی و ڕک و قینی خودا بەرانبەر بە موشریکەکان باس دەکات.

تێبینی/ پێویستە لەسەر خوێنەری قورئان ئاگاداری ڕێزمانی عەرەبی بێت بەتایبەتی لەو حاڵەتەی کە (الإسْتِعاذَة) و (ألبَسمَلة)و سەرەتای ئایەتەکان بەیەکتری دەگەیەنێ.
بۆ نموونە:
أَعوذُ بِاللّهِ مِنَ الشَّيْطَانِ الرَّجِيمِ ﴿بِسۡمِ ٱللَّهِ ٱلرَّحۡمَٰنِ ٱلرَّحِيمِ﴾ ﴿ٱقۡرَأۡ بِٱسۡمِ رَبِّكَ ٱلَّذِي خَلَقَ﴾

دەبێ: میمی کۆتای (الإسْتِعاذَة) ومیمی ﴿ٱلرَّحِيمِ﴾ بەژێر (کسرە) بخوێندرێتەوە وهەمزەی گەیاندن (همزە الوصل) لە ﴿ٱقۡرَأۡ بِٱسۡمِ رَبِّكَ ٱلَّذِي خَلَقَ﴾ لابدرێت.

1. وەستان (الوقف): بریتیە لە بڕینی دەنگ وەستان لەسەر کۆتایی وشەیەک، بەو مەرجەی هەناسە وەرگرێ‌و نیازی دەستپێکردنەوەی هەبێت.
2. بێدەنگبوون (السکت): بڕینی دەنگ لەسەر پیتێکی قورئانی بەکاتێک کە هەناسەی تێدا وەرنەگیرێت بەنیازی بەردەوام بوون لە خوێندنەوەدا.
   نیشانەی بێدەنگبوون (السکت) لە قورئاندا بوونی پیتی (س) لەسەر کۆتایی وشەکە