Zanstitajweed.com

بِسْمِ اللّهِ الرَّحْمَنِ الرَّحِيمِ
اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي       ||     ئەی خودایە من بەندەی تۆم و کوڕی بەندەی تۆم و کوڕی کۆیلەی تۆم، ناوچاوانم بەدەستی تۆیە، فرمان و بڕیارت بەسەرمدا جێ بە جێیە، بڕیاردانت بەسەرمدا دادپەروەرانەیە. داوات لێدەکەم بەهەموو ناوەکان کە هی تۆیە، خۆتت پێی ناوناوە، یان لە کتێبەکەتدا دادبەزاندووە یان یەکێک لە دروست کراوەکانی خۆتت فێر کردووە یان لە عیلمی غەیبدا لای خۆت هێشتوەتەوە، قورئانی پیرۆز بکەرە بەهاری دڵەکەم و روناکی سینەم و نەهێشتنی خەم و پەژارەم    
-:-:-

بەشی پێنجەم باسی درێژکردنەوەکان


باسی درێژکردنەوەکان (بحثُ المُدود) ٦

پوختەی درێژکراوەکان و ئەندازەی درێژکردنەوەیان (خلاصة المدود ومقدار المد)


هەموو درێژکراوەکان لە (٩) جۆر زیاتر نین، لە خوارەوەش دیاریکراون:

یەکەم/ درێژکراوی ئاسایی (المَدُّ الطَبيعيُّ)، ئەندازەی درێژکردنەوەی: (٢) دوو جوڵەیە.


دووەم/ درێژکراوی لەبری (مَدُّ البَدَلِ)، پاشکۆی درێژکراوی ئاساییە، ئەندازەی درێژکردنەوەی: (٢) دوو جوڵەیە.
سێیەم/ درێژکراوی لەجیاتی (مَدُّ العِوَضِ)، پاشکۆی درێژکراوی ئاساییە، ئەندازەی درێژکردنەوەی: (٢) دوو جوڵەیە.
چوارەم/ درێژکراوی شیاوی جودا (المَدُّ الجائزُ المُنفَصِل)، جۆرێکە لە درێژکراوەی لاوەکی (مدٌّ فَرعِيٌّ)، بەهۆی (هەمزە)ەوە ڕوودەدات، ئەندازەی درێژکردنەوەی: (٤) چوار یان (٥) پێنج جوڵەیە.
پێنجەم/ درێژکراوی واجبی بەیەکگەیشتوو (المَدُّ الواجِبُ المتَّصل)، جۆرێکە لە درێژکراوەی لاوەکی (مدٌّ فَرعِيٌّ)، بەهۆی (هەمزە)ەوە ڕوودەدات، ئەندازەی درێژکردنەوەی: (٤) چوار یان (٥) پێنج جوڵەیە. .
شەشەم/ درێژکراوی گەیاندن (مدُّ الصِّلَةِ)، بەهۆی (هـ) ــ هاء ــ ی ڕاناوی تاکی نادیاری نێرینە (هاءِ الضًّمير للمُفرَدِ الغائبِ المُذَكَّرِ) ڕوودەدات، بە مەرجێك ئەم (هاء)ی ڕاناوە لە نیوانی دوو پیتی جوڵاو دابێت. ئەم درێژکراوەیە دوو جۆرە:
      أ ــ درێژکراوی گەیاندنی گچکە (مدُّ الصِّلَةِ الصُّغرى)، پاشکۆی درێژکراوی ئاساییە، ئەندازەی دریژکردنەوەی: (٢) دوو جوڵەیە.
      ب ــ درێژکراوی گەیاندنی گەورە (مدُّ الصِّلَةِ الكُبرى)، جۆرێکە لە درێژکراوەی لاوەکی (مدٌّ فَرعِيٌّ)، بەهۆی (هەمزە)ەوە ڕوودەدات و پاشکۆی درێژکراوی (جودا)یە، ئەندازەی درێژکردنەوەی: (٤) چوار یان (٥) پێنج جوڵەیە.
حەفتەم/ درێژکراوی پێویست (المَدُّ اللازِمُ)، جۆرێکە لە درێژکراوەی لاوەکی (مدٌّ فَرعِيٌّ)، بەهۆی (پیتیکی زەنەدار)ەوە ڕوودەدات، ئەندازەی درێژکردنەوەی: (٦) شەش جوڵەیە. ئەم درێژکراوەیە دەکرێ بە (٢) دوو بەش:
١ ــ درێژکراوی پێویستی وشەیی (المَدُّ اللازِمُ الكَلِمي)، ئەمەش دوو جۆرە:
      أ ــ سووک (مُخَفَّف)       ب ــ قورس (مُثَقَّل)
٢ ــ درێژکراوی پێویستی پیتی (المَدُّ اللازِمُ الحرفي)، ئەمەش دوو جۆرە:
      أ ــ سووک (مُخَفَّف)       ب ــ قورس (مُثَقَّل)
هەشتەم/ درێژکراوی تووشهاتوو بە زەنە (المدُّ العارِضِ للسُّكونِ)، جۆرێکە لە درێژکراوەی لاوەکی (مدٌّ فَرعِيٌّ)، بەهۆی (پیتیکی جووڵەداری گۆڕاو بە زەنە)ەوە ڕوودەدات، ئەندازەی درێژکردنەوەی: (٦) شەش جوڵەیە.
نۆیەم/ درێژکراوی نەرمی (مَدُّ اللِّينِ)، جۆرێکە لە درێژکراوەی لاوەکی (مدٌّ فَرعِيٌّ)، بەهۆی (گەیشتنی پیتێکی نەرم بە پیتێکی جووڵەداری گۆڕاو بە زەنە ئەمەش بەهۆی وەستان لەسەری‌یەوە)، ئەندازەی درێژکردنەوەی: (٢) دوو، یان (٤) چوار، یان (٦) شەش جوڵەیە.